Mıanmada mektepke jasalǵan áýe shabýylynan kem degende 11 bala mert boldy
ASTANA. QazAqparat – Ortalyq Mıanmanyń Sıkaın okrýginde áýe shabýyldary men urys qımyldarynan kem degende 11 bala mert boldy. Taǵy 15 bala iz-túzsiz joǵalǵandar qatarynda. Bul - ıÝNISEF derekteri, dep habarlaıdy QazAqparat Euronews resýrsyna silteme jasap.
Buǵan deıin gýmanıtarlyq mıssııanyń qyzmetkerleri men jergilikti mektep ákimshiliginiń ókilderi armııanyń demokratııalyq qozǵalys belsendilerine qarsy kezekti operatsııasy kezinde oqý ornyna tikushaqtan oq atylǵanyn habarlaǵan.
Bul beıbit turǵyndar qaza tapqan alǵashqy jaǵdaı emes. Kýágerler áskerılerdi qarapaıym azamattardy ádeıi óltirdi dep aıyptap otyr.
«Sarbazdar aýylǵa kelgende biz butalardyń artyna tyǵyldyq. Biraq, meniń ulymnyń densaýlyǵy nashar bolǵandyqtan, ol tek jaqyn jerge jasyryndy. Sarbazdar ony taýyp alyp, ólgenshe sabady. Adamdardy óltirip jatqanyn óz qulaǵymmen estidim», - deıdi kýágerlerdiń biri.
Mıanmadaǵy áskerı árekettermen birge bolyp jatqan zorlyq-zombylyq 2021 jyldyń aqpanynda bastaldy. Eldegi bılikti áskerı hýnta basyp alǵan.
Qarsylasýdan qansha adam mert bolǵany belgisiz. Halyqaralyq uıymdar qaza tapqandardyń sany myńǵa jýyq ekenin atap ótti.
Sheıitterdiń arasynda júzdegen bala bar.
Vıdeodan alynǵan kadr
