Mıanmada quny 140 mln. fýnt bolatyn taza nefrıt tabyldy
ASTANA. QazAqparat - Mıanma shahterlary salmaǵy 175 tonna bolatyn kólemi jaǵynan ekinshi eń iri taza nefrıt taýyp aldy. Onyń quny 140 mıllıon fýntqa baǵalandy, dep jazdy Telegraph.
Shahterler asyl tas izdep, Kachın shtatyndaǵy shahtany zerttep júrgen. Olar tapqan nefrıt tas kólemi boıynsha ekinshi oryn alady. Asyl tastyń bıiktigi - 2,7 m, eni - 5,4 m, al salmaǵy shamamen 175 tonna, dep jazdy Gazeta.rý.
Eń úlken nefrıt tastyń salmaǵy 260 tonna, ol Qytaıdaǵy Nefrıt Býdda harmynda tur. Tastan Býddanyń músini oıylǵan.
Mıanma álem boıynsha eń iri nefrıt óndirýshi elder qatarynda. Basylymnyń habarlaýynsha, eldegi nefrıt óndirisi JІÓ jartysyna deıin tabys ákeledi.
