Mıanmada áskerı ushaq apatqa ushyrap, 12 adam qaza tapty
MANDALAI. QazAqparat - Beısenbi kúni Mıanmanyń Mandalaı qalasy aýmaǵynda áskerı ushaqtyń apatqa ushyraýy saldarynan kem degende 12 adam qaza tapty. Búl týraly QazAqparat Reuters agenttigine silteme jasap habarlaıdy.
Áýe kemesiniń tıpi týraly aqparat ázirge joq.
«Sınhýa» agenttiginiń áskerılerge silteme jasap habarlaýynsha, ushaqtyń ishinde 14 adam bolǵan, al apat aýa raıynyń qolaısyz jaǵdaıynan bolǵan. Qazirgi kezde oqıǵa ornynda qutqarý operatsııasy júrip jatyr, eki adam aýrýhanaǵa jetkizilgen.
Al Mıanmanyń Mizzima táýelsiz portaly bolsa, Facebook-tegi paraqshasynda Neıpıdo áýejaıynan ushqan shaǵyn ushaqtyń ishinde 12 adam bolǵanyn, sonyń ishinde segiz adamnyń qaza tapqanyn jazdy. Portal málimetinshe, mert bolǵandar arasynda joǵary ókiletti áskerı qyzmetkerler de bolýy múmkin, alaıda Mizzima bul aqparattyń ázirge rastalmaǵanyn atap ótýde.
Óz kezeginde Qytaıdyń CGTN telearnasy jergilikti BAQ-qa silteme jasap ushaq bortynda 16 adamnyń bolǵanyn habarlady.
