Jasandy ıntellektige negizdelgen kameralar Ulttyq ulan sarbazdaryn baqylap otyrady
ASTANA. KAZINFORM – Prezıdenttiń tsıfrlandyrýdy damytý jónindegi tapsyrmasy aıasynda Ulttyq ulannyń 5573 áskerı bóliminde jasandy ıntellektke negizdelgen zamanaýı beınebaqylaý júıesi synaqtan ótip jatyr.
Júıe qoldanystaǵy kameralarǵa qosylyp, beıneaǵyndy táýlik boıy úzdiksiz taldaıdy.
Onyń basty ereksheligi — sarbazdardyń kúndelikti júris-turysyn, minez-qulqyn jáne emotsııalyq jaǵdaıyn saralaýynda, ıaǵnı júıe tek beıneni tirkep qana qoımaı, sarbaz boıyndaǵy ózgeristerdi de anyqtap, minez-qulyqtaǵy kúmándi belgilerge taldaý jasaıdy.
— Eger sarbazdardyń áreketinen agressııa baıqalsa, jasandy ıntellektke negizdelgen júıe bólim komandırlerine, tárbıeshiler men psıhologtarǵa messendjer arqyly sıgnal jiberedi. Bul der kezinde áreket etýge múmkindik beredi, — dedi Ulttyq ulannyń resmı ókili Álibek Abdılov.
Sonymen qatar, beınematerıaldar arnaıy platformada saqtalady.
Aıta keteıik, eger júıe tıimdiligin dáleldese, ony basqa áskerı bólimderge de engizý josparlanyp otyr.
Aıta ketelik Ulttyq ulan mekemeler aýmaǵyn kúzetýdi tolyq baqylaýyna alǵan edi.
