M.Tynyshbaev atyndaǵy Qazaq kólik jáne kommýnıkatsııa akademııasynda kolledj túlekterine arnalǵan ashyq esik kúnderi ótti

Túlekter nazaryna akademııanyń mamandyqtary men QazKKA-daǵy áleýmettik baǵdarlamalar týraly tolyq maǵlumattar usynyldy. Sondaı-aq olar oqý ornynyń materıaldyq-tehnıkalyq bazasymen, akademııa zerthanasymen, stýdentter úıimen, salaýatty ómir salty keshenderimen, sport zaldar, vokal jáne bı stýdııalary men kompıýterlik klýbtary bar «Shabyt» ortalyǵymen tanysty.

Kolledj túlekteri kókeılerindegi suraqtardy qoıýǵa múmkindik alyp, olarǵa tushymdy jaýaptar aldy. Sonymen birge akademııa stýdentteri ázirlegen kontsertti tamashalady.