ІІM túlekteri jıi ereje buzatyn avtomektepterdiń reıtıngin jasamaqshy

ASTANA. KAZINFORM – Úkimet otyrysynda Іshki ister mınıstri Erjan Sádenov avtomektepterdiń sapasyn synady.

«Biz «jyldamdyqty jaqsy kóretinderge» jazany kúsheıtemiz. Tıisti zań jobasy Senatqa engizildi. Sondaı-aq, mas kúıinde, avtokólikti kýáliksiz basqarsa 7 jylǵa deıin júrgizýshi kýáligin alýǵa tyıym salynady. Halyqaralyq tájirıbege sáıkes, júrgizýshilerdi daıyndaý talaptar qaıta qaralady. Ózin-ózi daıyndaý toqtatyldy (ІІM-niń 10.04.2024 j. №315 buıryǵy)», - dedi ol.

E.Sádenov mınıstrlik avtomektepterdi esepke ala bastaǵandaryn aıtty.

«Túlekterdiń qatysýymen bolǵan apattar reıtıngin engizemiz. Oqý kýrstaryn ótý týraly kýálikterdi, medıtsınalyq anyqtamalardy elektrondyq nysanǵa kóshirdik. Biraq, júrgizýshilerdi oqytý sapasyna qatysty máseleler bar. Keıbir avtomektepterde qajetti jaǵdaı joq. Sebebi bul salany memleket baqylamaıdy. Bul fýnktsııalardy Іshki ister mınıstrligine qaıtarýdy suraımyz. Oǵan qosa, avtomektep ashý úshin ruqsat berý tártibin aýystyrý qajet», - dedi mınıstr.