M. Tájınniń tóraǵalyǵymen Qaýipsizdik Keńesiniń vedomstvoaralyq komıssııasynyń otyrysy ótti
Otyrysta Qazaqstannyń kólik qaýipsizdiginiń qalpy men tranzıttik múmkindikterin damytýdyń ózekti máseleleri qaraldy.
Negizgi baıandamany Kólik jáne kommýnıkatsııa mınıstri Ábilǵazy Qusaıynov jasady.
Otyrys barysynda Marat Tájın údemeli ındýstrııalyq-ınnovatsııalyq baǵdarlamanyń sapaly iske asýy men respýblıkamyzdyń jeke aımaqtarynyń damýy kólik salasyna tikeleı baılanystylyǵyn atap ótti.
Sonymen qatar, Shyǵys-Batys baǵytynda qazaqstandyq taýarlar men tranzıttik júkterdiń ótýine jańa shyǵý joldaryn qalyptastyratyn «Batys Eýropa - Batys Qytaı» avtomobıl magıstralin, «Jetigen-Qorǵas», «Ózen-Túrikmenstanmen memlekettik shekara», «Eralıev-Quryq» temir jol jelilerin salý jobalary iske asyrylyp jatqandyǵy sóz etildi.
Otyrys sońynda memlekettik organdarǵa elimizdiń kólik salasy men tranzıttik áleýetin damytýǵa baǵyttalǵan tapsyrmalar berildi.
