M. Tájın dinı ekstremızmge qarsy turý baǵytyndaǵy maqsat-mindetterdi atady

Onyń sózine qaraǵanda, buqaralyq aqparat quraldary jumysynyń bólek baǵyttarynyń biri - dinı ekstremızmge qarsy turýǵa negizdelýi tıis. Bul turǵyda qoǵamdyq qozǵalystardy keńinen tartý kerek.

Onyń paıymdaýynsha, búginde ekstremıstik dinı qozǵalystar uıyǵan ulttyq-mádenı erekshelikti buzyp qana qoımaı, sonymen qatar olar qoǵamda kúrdeli qaqtyǵystardy týdyrýy múmkin.

«Sondyqtan da, ekstremızm ıdeologııasyna qarsy turý turǵysynda aıtqan kezde, ondaǵy mán-jáı bólek nemese birlijarym problemalardy ǵana qamtyp otyrǵan joq. Atap aıtqanda, olar qoǵamdyq qarama-qaıshylyqqa ákelýi yqtımal. Osy oraıda BAQ-tar ǵylymı-sarapshylyq qoǵamdastyqpen tyǵyz ózara is-qımyldar jasaýy tıis. Bul baǵytta bizdiń áleýmettanýshylardy, bilim júıesiniń, medıtsına, onyń ishinde psıhıatrııanyń ókilderin belsendi jumyldyrý kerek», - dep qadap aıtty M. Tájın.

Memlekettik hatshynyń sózinshe, bul radıkaldy uıymdarda júıkelik aýytqýlary bar adamdar kóptep kezdesedi. Bul kúrdeli ári keshendi problema. Onyń ishinde psıhologııalyq másele de bar.

«Sondyqtanda, Din isteri jónindegi agenttigi men Mádenıet jáne aqparat mınıstrligi quqyq qorǵaý organdarymen birlese Qazaqstan aýmaǵynda qandaı teris aǵymdar qyzmet jasap júrgeni týraly, sondaı-aq olardy qandaı erekshelikter arqyly ajyratýǵa bolatyny jóninde baǵdarlamalar tsıkli men jarııalanymdardy daıarlaýy qajet», - dedi M. Tájın.

Buǵan qosa ol, tirkelmegen aǵymdar jaıynda azamattardyń málimetter alý boıynsha QR Din isteri jónindegi agenttigi janynda baılanys jelisin uıymdastyrýdy tapsyrdy.