M.Tájın Bilim jáne ǵylym mınıstrligine «Halyq tarıh tolqynynda» baǵdarlamasyn ázirleýdi jedeldetýdi tapsyrdy

ASTANA. 25 qyrkúıek. QazAqparat - Bilim jáne ǵylym mınıstrligine «Halyq tarıh tolqynynda» baǵdarlamasyn ázirleýdi jedeldetý tapsyryldy. Búgin Aqordada ótken ulttyq tarıhty zerdeleý jónindegi vedomstvoaralyq jumys tobynyń úshinshi otyrysynda QR Memlekettik hatshysy Marat Tájın osylaı dedi.

«Halyq tarıh tolqynynda» atty tarıhı zertteýler baǵdarlamasy - mańyzdylyǵy jaǵynan baǵdar bolatyn basty qujat. Sondyqtan da basshylyqqa, birinshi kezekte Bilim jáne ǵylym mınıstrligine ony ázirleýdi jedeldetýdi ótinemin», - dedi ol. Sonymen qatar Memlekettik hatshy atalǵan baǵdarlama ulttyq tarıhty zerdeleý jónindegi vedomstvoaralyq jumys tobynyń birinshi otyrysynda belgilengen barlyq baǵyttardy qosýy kerektigin basa aıtty.