M.Taıson: Aǵaıyndy Klıchkolardy birinshi raýndta-aq sulatar edim
ASTANA. 13 qarasha. QazAqparat - Ataqty amerıkandyq aýyr salmaqtaǵy boksshy Maık Taıson aǵaıyndy Klıchkolar - Vıtalıı men Vladımırdi birinshi raýndta-aq op-ońaı oısaryta utar edim dep málimdedi.
«Klıchkolardy ma? Men olardy birinshi raýndta-aq nokaýdqa jiberer edim», - dedi Taıson Bild am Sonntag-qa bergen suhbatynda.
«Men eshqashan agressıvti bolǵan joqpyn, eshqashan ózimshil bolǵan emespin. Men esirtkisiz, taza bokstastym. Meniń oıymsha, kez kelgen boksshynyń aıaǵyn aspanǵa keltirýge qaýqarym jetedi. Ol úshin tipti báske óz ómirimdi qoıa alamyn», - dep atap ótti Taıson.
