ІІM sýdaǵy qaýipsizdik erejesiniń saqtalýyn qadaǵalamaıdy – Úkimet otyrysy

ASTANA. KAZINFORM – Týrızm jáne sport mınıstri Erbol Myrzabosynov Úkimet otyrysynda týrıster minetin sý kóliginiń qaýipsizdigin eshbir organ qadaǵalamaıtynyn aıtty.

- Qadaǵalaý jumysy tómen deńgeıde ekenin de aıta ketý kerek. Aımaqtarda ınspektorlyq toptardyń jetispeýi qatty seziledi. Oblystaǵy búkil akvatorııany kólik ınspektsııasynyń (Kólik mınıstrligi) bir qyzmetkeri ǵana qadaǵalaıdy. Osynyń saldarynan qaýipsizdik tıisti deńgeıde qamtamasyz etilmegen.

Qaıyqtardy kýáliksiz jáne qutqarý quraldarynsyz paıdalanǵan faktiler anyqtalǵan. Qutqarý munaralary men medıtsınalyq pýnktter joq. Jalpy sý kóliginiń qyzmeti rettelmegen, - dedi Erbol Myrzabosynov.

Mınıstr osy máselelerdiń sheshilmeýi saldarynan byltyr týrısterdiń densaýlyǵy men ómirine qater tóngenin eske saldy.

- Zańnamalyq retteý salasynda da qalys qalǵan tustar bar. Mysaly, jaǵajaılardy jaılastyrý jónindegi ulttyq standart tek erikti túrde júrgiziledi. Al Іshki ister mınıstrligi bekitken sýdaǵy qaýipsizdik erejeleriniń saqtalýy qadaǵalanbaıdy, - dedi vedomstvo basshysy.

Aıta keteıik, búgingi Úkimet otyrysynda týrızmdi damytý máselelerin qaralyp jatyr.