ІІM stalkıngke qatysty aldyn alý sharalaryn kúsheıtti

ASTANA. KAZINFORM — Búginde polıtsııaǵa azamattardy qadaǵalaý nemese qaýip-qaterler týraly sıgnal túsken jaǵdaıda shuǵyl aralasý jáne qorǵaý úshin qosymsha quqyqtyq quraldar berilgen, dep habarlaıdy ІІM baspasóz qyzmeti.

Stalkıng — bir adamǵa turaqty túrde nazar aýdarý nemese baılanysqa túsý arqyly psıhologııalyq qysym kórsetý. Mundaı áreketter úreı týdyryp, eleýli zııan keltirýi múmkin. Sondyqtan quqyq buzýshylyqtardyń aldyn alý sharalary kúsheıtildi. 

— Kez kelgen qadaǵalaý qatań quqyqtyq baǵalaýǵa ıe bolady. Biz mundaı faktilerdi aldyn ala boldyrmaýǵa jáne azamattardy erte kezeńde qorǵaýǵa baǵyttalǵanbyz. Eger siz osyndaı jaǵdaıǵa tap bolsańyz, máseleni óz betińizshe sheshýge tyryspaı, dereý polıtsııaǵa habarlasýyńyz qajet. Alǵashqy kezeńde de zań turǵysynan sharalar qabyldanady, — dedi Almaty qalasy PD qoǵamdyq qaýipsizdik basqarmasynyń basshysy Ashat Kýlbaev.

«Zań men tártip» qaǵıdasy kez kelgen qysym, qadaǵalaý nemese jeke shekarany buzý áreketterine tosqaýyl qoıady. Árbir azamattyń qaýipsizdigi — eń basty nazarda.

Budan buryn ІІM sotqa stalkıng boıynsha 51 is joldanǵanyn málimdedi.