Məskeý-Kókshetaý-Məskeý jańa əýe baǵyty ashyldy
KÓKShETAÝ. QazAqparat - Məskeý-Kókshetaý-Məskeý jańa əýe baǵyty ashyldy, dep habarlaıdy "QazAqparat" HAA tilshisi.
Eske sala keteıik, qazirgi kezde Kókshetaý əýejaıy arqyly Aqtaý-Kókshetaý-Aqtaý, Almaty-Kókshetaý-Almaty baǵyttarynda aptasyna eki ret ishki áýe reısteri qatynaıdy. 
Oǵan qosa, aǵymdaǵy jyldyń 5 mamyrynan bastap, Shymkent-Kókshetaý-Shymkent əýe baǵyttary qalpyna keltirildi. Bul reıster aptanyń juma jəne jeksenbi kúnderi SKAT əýe kompanııasynyń CRJ-200 əýe kemeleri arqyly júzege asyrylady.
Endi Kókshetaý halyqaralyq əýejaıy arqyly ər jeksenbi saıyn "Avıakompanııa S7" əýe kompanııasynyń Airbus A320 jaıly samoletteri arqyly Məskeýdiń "Domodedovo" əýejaıyna tikeleı əýe reısi ashylyp otyr. Ushý ýaqyty - 3-3,5 saǵat. Bılet quny 50 myń teńge. 
"Búgin alǵashqy reıspen Məskeýden 60-qa jýyq jolaýshy ushyp keldi. Al, Kókshetaýdan 30-ǵa jýyq jolaýshy attanatyn bolady. Jolaýshylardyń alańsyz ushýyna barlyq jaǵdaı qarastyrylǵan",- dedi "Avıakompanııa S7" əýe kompanııasynyń ókili Aleksandr Zavrajın.
