Shymkentte munaı ónimderin urlaý shemasy áshkerelendi

ShYMKENT. KAZINFORM – Іshki ister mınıstrligi «Shymkent Munaı Ónimderi» AQ aýmaǵynan munaı ónimderin urlaý shemasyn anyqtap, jolyn kesti. 

7 qańtarda Shymkent qalasynyń polıtsııa departamenti jedel is-sharalar nátıjesinde janar-jaǵarmaı materıaldaryn zańsyz shyǵarý arnasyn uıymdastyrǵan adamdar tobyn ustady.

Qylmystyq shemaǵa «Shymkent Munaı Ónimderi» AQ-men baılanysty kásiporyndardyń biriniń qyzmetkerleri tartylyp, olar megapolıs turǵyndarymen sóz baılasqan.

Urlanǵan otyndy qylmystyq shemany uıymdastyrýshylarǵa tıesili birneshe bazanyń aýmaǵynda saqtaý jáne satý faktileri anyqtaldy.

Qarajattyń kóleńkeli aınalymy 1 mıllıard teńgeden asady.

Tintý kezinde qomaqty aqsha, 17 tonnadan astam janar-jaǵarmaı, otyndy saqtaý jáne aıdaý quraldary, sondaı-aq birneshe avtokólik tsısternasy tárkilendi.

Barlyq kúdikti ustalyp, asa iri kólemde urlyq faktisi boıynsha tergeý júrgizilip jatyr.

Qylmystyq is aıasynda «Shymkent Munaı Ónimderi» AQ qyzmetkerleriniń qylmysqa, onyń ishinde kontrabandaǵa qatysy bar-joǵy tekserilip jatyr. 

Aıta ketelik sybaılas jemqorlyq týraly habarlaǵandarǵa 24 mln teńgeden astam syıaqy berilgeni týraly jazǵan edik.