ІІM sheteldegi qazaqstandyqtarǵa alaıaqtyqtyń jańa túri týraly eskertti
ASTANA. KAZINFORM – Іshki ister mınıstrligi sheteldegi qazaqstandyqtarǵa alaıaqtyqtyń jańa túri týraly eskertti. Bul týraly Polisia.kz jazdy.
Bizdiń myńdaǵan azamattarymyz shetelderde oqýda nemese jumysta. Olar ózara Telegram jáne WhatsApp-chattaryn quryp, aqparat almasyp, bir-birine kómektesedi. Muny alaıaqtar da paıdalanýy múmkin. Qaskóıler osyndaı chattarǵa qosylyp, ózderin qazaqstandyq azamat retinde tanystyryp, ádettegiden tıimdi sharttarmen valıýta aıyrbastaý qyzmetin usynady. Biraq aqshany aýystyrǵysy keletinderdi baılanystyrmaı, alaıaqtar krıptovalıýta satýmen aınalysatyn adamdardyń nemese droptardyń shottaryn jiberedi. Túsken qarajatty alǵannan keıin olar hat-habarlardy óshirip, chattardan shyǵyp ketedi. Koreıada, Qytaıda jáne AQSh-ta osylaı aldaý jaǵdaılary oryn aldy.
– Azamattardy saq bolýǵa jáne kúmándi usynystardy qabyldamaýǵa shaqyramyz, – dedi vedomstvoda.
Eske sala ketreıik, buǵan deıin Ulttyq banktiń alaıaqtyqpen kúres ortalyǵy 6 aıdaǵy nátıjesin jarııalaǵanyn jazǵan bolatynbyz.