M. Sharıf: Qazaqstan men Pákistan qarym-qatynastary dostyq pen baýyrlastyqtyń kópǵasyrlyq baılanystaryna negizdelgen
ASTANA. QazAqparat - Nursultan Nazarbaevtyń atyna onyń Qazaqstan Respýblıkasy Prezıdenti bolyp saılanýyna baılanysty Pákistan Islam Respýblıkasynyń Premer-Mınıstri Muhammad Navaz Sharıftiń quttyqtaý jedelhaty kelip tústi.
Bul týraly Aqordanyń baspasóz qyzmetinen habaraldy.
M.N.Sharıf Pákistan Úkimeti men jeke óziniń atynan quttyqtaýynda Nursultan Nazarbaevtyń prezıdenttik saılaýdaǵy aıqyn jeńisi men saılaýshylardyń joǵary belsendiligi óz Kóshbasshysynyń el memlekettiligin tabysty damytýdaǵy eńbegin halyqtyń daýsyz moıyndaıtynyn, sondaı-aq jasampaz ári kóregen saıasatqa degen senimniń joǵary deńgeıin aıǵaqtaıtyn atap ótedi.
Pákistan Premer-Mınıstri Qazaqstan Prezıdentiniń eldiń turaqtylyǵy men damýyn qamtamasyz etýge baǵyttalǵan kúsh-jigerine toqtaldy.
«Siz usynǵan bes reforma orta taptyń ekonomıkalyq ósýi men nyǵaıýyna, Qazaqstan halqy birliginiń kúsheıýine, onyń órkendeýi men halyqaralyq arenadaǵy bedeliniń artýyna septigin tıgizetinine senimdimin», - delingen quttyqtaýda.
M.N.Sharıf Qazaqstan men Pákistan qarym-qatynastary dástúrli dostyq, tarıh jáne mádenıet pen baýyrlastyqtyń kópǵasyrlyq baılanystaryna negizdelgenin aıtty.
«Elderimizdiń arasynda ózara tıimdi yntymaqtastyq úshin zor áleýet bar. Ekijaqty yntymaqtastyqtyń ózara múddelilik tanytatyn naqty máselelerin Sizben talqylaýdy taǵatsyzdana kútemin», - delingen jedelhatta.
