M.Saakashvılı parlament saılaýynda jeńilgendigin moıyndady
BAKÝ-TBILISI. 3 qazan. QazAqparat - Grýzııa Prezıdenti Mıhaıl Saakashvılı Grýzııa parlamentiniń saılaýyndaǵy óz jaqtastarynyń jeńilgendigin moıyndady jáne partııa oppozıtsııaǵa ótetindigin málim etti.
Bul týraly Grýzııa prezıdenti 1 qazan kúni ótken parlamenttik saılaýda Bıdzına Ivanıshvılıdiń «Grýzındik arman» koalıtsııasynyń jeńisin moıyndap, arnaıy úndeýinde málim etti.
«Oı-pikirim boıynsha ózime jat bul saıası kúshti tańdaǵan grýzııa halqynyń tańdaýyn syılaımyn, jáne el prezıdenti retinde barlyq járdemdi kórsetemin», - dedi Grýzııa Basshysy.
Bul rette M.Saakashvılı onyń - Birtutas ulttyq qozǵalys partııasyna daýys bergen adamdarǵa alǵysyn bildirdi.
«Birtutas ulttyq qozǵalys» partııasynyń kóshbasshysy retinde bizdiń partııa oppozıtsııaǵa ótetindigin málim etemin», - dep atap ótti M.Saakashvılı.
«Men úshin «Grýzındik arman» koalıtsııasynyń kózqarastary túbegeıli alshaq. Bizdiń aramyzda tereń aıyrmashylyq bar, biz olardyń oı-pikirleri múldem durys emes dep sanaımyz. Biraq demokratııa, sheshimdi grýzııa halqynyń kópshiligi jasaıtynymen quralady, jáne biz ol sheshimdi qurmetteımiz», - málim etti M.Saakashvılı.
