ІІM: Polıtsııa táýlik ishinde úsh esirtki zerthanasyn joıdy
ASTANA. KAZINFORM — Bir táýlik ishinde Batys Qazaqstan, Soltústik Qazaqstan jáne Qaraǵandy oblystarynda úsh esirtki zerthanasy joıyldy.
Polisia.kz-tiń málimetinshe, ІІM esirtki qylmysyna qarsy is-qımyl bólinisiniń qyzmetkerleri bir táýlik ishinde Batys Qazaqstan, Soltústik Qazaqstan jáne Qaraǵandy oblystarynda úsh esirtki zerthanasyn joıdy.
- Kúdiktiler, ıaǵnı eki er adam men bir áıel ustaldy. Anyqtalǵandaı, olar alty aı boıy esirtki ósirýmen aınalysyp, árqaısysy 50 kg marıhýana daıyndaǵan. Olarǵa qatysty sotqa deıingi tergep-tekserý júrgizilip jatyr. Ustalǵandarǵa 15 jylǵa deıin bas bostandyǵynan aıyrý jazasy kózdeledi. Bul baǵyttaǵy jumys jalǵasyp jatyr, - dedi ІІM esirtki qylmysyna qarsy is-qımyl komıteti tóraǵasynyń orynbasary Danııar Meıirhan.
