ІІM polıtseıler arasyndaǵy artyq salmaqqa qatysty túsinik berdi
ASTANA. KAZINFORM – Іshki ister organdary qyzmetkerleriniń fızıkalyq daıyndyǵy men artyq salmaqtyń bolýyna qatysty túsinikteme berildi.
Іshki ister organdarynda artyq salmaǵy bar qyzmetkerlerdiń máselesi qalaı sheshilip jatyr? Mınıstrliktiń aptalyq brıfıngisinde osyndaı saýal qoıyldy.
«Birden aıtyp ótkim keledi, polıtsııada barlyq qyzmette birdeı joǵary fızıkalyq daıyndyqty talap etpeıdi. Talap aldymen patrýldik polıtseıler men arnaıy bólimshe qyzmetkerlerine qatysty. Bul másele bizdiń baqylaýymyzda. Atalǵan sanatqa jatatyn qyzmetkerler aptasyna kem degende eki ret jattyǵýy mindetti. Sonymen qatar polıtseılerdiń fızıkalyq daıyndyǵy jyl sońynda tekseriledi», - dep jaýap berdi Shyńǵys Alekeshev vedomstvoda ótken baspasóz máslıhatynda.
Onyń aıtýynsha, ishki ister organdary qyzmetkerleri medıtsınalyq tekseristen ótedi. Onyń negizinde qajet jaǵdaıda usynys beriledi.
«Osy oraıda aıta ketetin jaıt, ishki ister organdarynyń bólimsheleri kóp. Keıbir bólimshelerde qyzmetkerdiń fızıkalyq daıyndyǵyna emes, aldymen ıntellektýaldyq qasıetine mán beriledi. Ol múmkin IT mamany, tergeýshi nemese basqa da tapshy maman bolýy múmkin», - deıdi ol.
