M.Nárikbaevty halqy erteń aqtyq saparǵa shyǵaryp salady
ASTANA. QazAqparat - Maqsut Sultanuly Nárikbaevty halqy erteń, 13 qazanda saǵat 9.00-de Astana qalasy, Qorǵaljyn tas joly,8 mekenjaıynda ornalasqan Qazaq gýmanıtarlyq zań ýnıversıtetiniń ǵımaratynan aqtyq saparǵa shyǵarady. Bul týraly oqý ornynyń baspasóz qyzmeti habarlady.
«2015 jylǵy 12 qazanda 76-ǵa qaraǵan jasynda zań ǵylymdarynyń doktory, professor, «QazGZÝ» AQ Prezıdenti, kórnekti qoǵam jáne memleket qaıratkeri Maqsut Sultanuly Nárikbaev dúnıeden ótti. Marqummen qoshtasý erteń, 13 qazan kúni saǵat 09.00-de Qazaq gýmanıtarlyq zań ýnıversıtetiniń ǵımaratynda ótedi. Maqsut Sultanuly 1940 jylǵy 30 naýryzda Taldyqorǵan oblysy Taldyqorǵan aýdanynyń Erkin aýylynda dúnıege keldi. Oqý ornynyń ujymy Nárikbaev Maqsut Sultanulynyń baqılyq bolýyna baılanysty onyń týǵan-týystaryna, jaqyndary men áriptesterine qaıǵyǵa ortaqtastyǵyn bildirip, kóńil aıtady. Ol bizdiń esimizde óziniń jeke harızmasymen baýrap alatyn, ómirge qushtar, jalyndy, shyǵarmashyl tulǵa retinde qalady»,-delingen aqparatta.
