M.Mıýrreı: Golovkın - myqty
ASTANA. QazAqparat - Brıtanııa boksshysy Martın Mıýrreı qazaqstandyq sportshy Gennadıı Golovkınmen ótkizgen jekpe-jekten soń kezdesýge qatysty pikirin aıtty.
«Men tolyqqandy jekpe-jek ótkizbek bolǵanmyn, biraq Gennadıı tym kúshti bolyp shyqty. Ol - sheber. Men qolymnan kelgenniń barlyǵyn istedim, alaıda esh nátıje bolmady. Golovkın óz jeńisine laıyq eńbek etti», - dedi boksshy. Aıta keteıik, Monakoda ótken boks keshinde jekpe-jek 11 raýndqa sozyldy. Martın Mıýrreıdiń qarsylasýǵa shamasy bitkenin kórgen kezdesý tóreshi bul beldesýdi toqtatqan bolatyn. Osylaısha, Golovkın óz kezdesýlerin 19 ret qatarynan nokaýtpen aıaqtady.
