M.Myrzalın 50 atbasarlyq balaǵa jazǵy lagerge joldama berdi
KÓKShETAÝ.QazAqparat - Aqmola oblysynyń əkimi Məlik Myrzalın 1 maýsym-Halyqaralyq balalardy qorǵaý kúni jumys saparymen Atbasar qalasynda bolyp, kóktemgi sý tasqynynan zardap shekken otbasylardaǵy balalardyń jazǵy lagerge demalýy úshin «Discovery Borovoe» saýyqtyrý ortalyǵyna 50 joldamany saltanatty túrde tapsyrdy, dep habarlaıdy "QazAqparat" HAA tilshisi.
Turǵyndarmen kezdesken aımaq basshysy oblysta kóktemgi sý tasqynynyń zardaptaryn joıý jəne ınfraqurylym men əleýmettik nysandardy qalpyna keltirý baǵytynda tıisti sharalar júzege asyrylyp jatqanyn atap ótti.
"Bıylǵy kóktem biz úshin úlken synaq boldy. Sý tasqynynan Atbasar qalasy kóp zardap shekti. Munda 644 turǵyn úı sýda qalsa, onyń birazy jaramsyz dep tanyldy. Oǵan qosa, mektep, balalardyń saýyqtyrý lageri jəne kóliktik kommýnıkatsııasyna zalal keldi. Tabıǵat apatynyń zardaptaryn joıý úshin oblystyq bıýdjetten 660,6 mıllıon teńge qarjy bólindi", dedi M.Myrzalın.
Osy kúni aımaq basshysy saltanatty túrde sý tasqyny kezinde aǵyn sýǵa batqan mektep avtobýsyndaǵy balalardy qutqarýǵa qatysqan aýdan turǵyndaryna QR ІІM "Qutqarý operatsııasyna belsendi qatysqany úshin", 3-shi dárejeli "Qutqarýshy" tósbelgileri men oblys ákiminiń Alǵys hatyn tapsyrdy.
Aǵymdaǵy jyldyń 16 səýirinde "Atbasar-Kókshetaý" tasjolynda balalar mingen mektep avtobýsyn tasqyn sý joldan shyǵaryp jibergen bolatyn. Osy qutqarý operatsııasyna qatysqandardyń barlyǵy marapattaldy.
