ІІM men UOK áriptestik týraly kelisimge qol qoıdy
ASTANA. KAZINFORM - Іshki ister mınıstri Erjan Sádenov men UOK prezıdenti Gennadıı Golovkın polıtsııa vedomstvosynda áriptestik týraly kelisimge qol qoıdy.
Bul týraly QR Ulttyq olımpıadalyq komıtettiń baspasóz qyzmeti habarlady.
«Búgingi kezdesý bizdiń sportty damytý jáne joǵary nátıjege qol jetkizý jolyndaǵy birlesken is-qımylymyzdy jalǵastyrady dep senemin. Táýelsizdik alǵaly beri Olımpıada oıyndarynda jeńip alǵan 71 medaldiń 66-sy «Dınamo» qoǵamdastyǵynan shyqqan atletterge tıesili ekenin aıta ketkim keledi», - dedi Іshki ister mınıstri Erjan Sádenov.
Ulttyq Olımpıada komıteti basshysy otandyq sportty damytý birlesken kúshti talap etetin jaýapty is ekenin alǵa tartty.
«UOK bizdiń olımpıadashylardy daıyndaý jolynda qoldaý kórsetken Іshki ister mınıstrligi kómegin joǵary baǵalaıdy. Bizdiń áriptestigimiz Qazaqstandaǵy sportty odan ári damytýǵa jáne atletterimizdi álemdik deńgeıdegi jeńiske jeteleıtinine sebep bolaryna senemin. Bizdiń maqsatymyz ortaq, bir eldiń namysyn qorǵaımyz, sondyqtan, birge jumys isteımiz», - dedi Golovkın.
