ІІM men Astana mektepteri profılaktıkalyq jumysty kúsheıtýge kelisti

ASTANA. KAZINFORM – Іshki ister mınıstrligi elordadaǵy 150 bilim berý uıymynyń basshylarynyń qatysýymen keńes ótkizdi. Іs-sharaǵa Astana qalasy polıtsııa departamentiniń, bilim basqarmasynyń ókilderi jáne aqparattyq qaýipsizdik salasynyń sarapshylary qatysty, - dep habarlaıdy Polisia.kz. 

Keńes barysynda polıtseıler oqýshylar arasyndaǵy tóbelester tirkelgen beınematerıaldardy kórsetti. Sondaı-aq jasóspirimder arasyndaǵy býllıng, qorlaıtyn beınerolıkterdiń taralýy jáne balalardyń destrýktıvti ınternet-qaýymdastyqtarǵa tartylýy boıynsha naqty mysaldar keltirildi. Spıkerlerdiń aıtýynsha, mundaı oqıǵalar eresekterdiń nazarynan tys qalyp, aýyr saldarǵa ákelýi múmkin.

Mektep dırektorlaryna mektepishilik baqylaýdy kúsheıtý, táýekeli joǵary aımaqtarǵa turaqty monıtorıng júrgizý, psıhologııalyq qyzmetterdiń jumysyn jandandyrý, býllıng týraly sıgnaldarǵa jedel áreket etý, sondaı-aq quqyqbuzýshylyqtardyń aldyn alý úshin ata-analarmen jáne ıývenaldy polıtsııa bólinisterimen tyǵyz ózara is-qımyldy jolǵa qoıý usynyldy.

Sonymen qatar tártip saqshylary jasóspirimder qylmysynyń aldyn alý maqsatynda qabyldanyp jatqan sharalar týraly aıtty. Olardyń qatarynda profılaktıkalyq reıdterdi kúsheıtý, pedagogter men ata-analarmen ózara árekettesý, sondaı-aq zamanaýı tsıfrlyq quraldar men zııatkerlik beıneanalıtıkany paıdalaný bar. Keńes qorytyndysy boıynsha bilim berý uıymdary úshin birqatar praktıkalyq usynymdar ázirlendi. Qatysýshylar erte profılaktıkanyń, júıeli tárbıe jumysynyń jáne mektep, otbasy men quqyq qorǵaý organdary arasyndaǵy tyǵyz yntymaqtastyqtyń mańyzdylyǵyn atap óttiǵanyn jazdyq

Eske sala keteıik, buǵan deıin Qazaqstan Prezıdentiniń keńesshisi taǵaıyndaǵaıyndy.