ІІM mektepterge ınspektorlardy qaıtarýdy qoldamady

ASTANA. KAZINFORM – QR Oqý-aǵartý mınıstri Ǵanı Beısembaev mektepterge ýchaskelik ınspektorlardy qaıtarý múmkindigine qatysty túsinik berdi.

Onyń aıtýynsha, bul taqyryp Іshki ister mınıstrligimen birlese pysyqtalǵan.

«Atap aıtqanda, Іshki ister mınıstrligi osy ınspektorlardy qaıtarýdy qoldamady. Biraq biz ár mektepke jeke ınspektordy bekitý máselesin pysyqtap jatyrmyz, ıaǵnı iri qalalardaǵy oqý oryndary nazarǵa alynyp otyr. Aýyl mektepterine toqtalsaq, onda ınspektor bekitilgen», - dedi Ǵ. Beısembaev Úkimet otyrysynan keıin ótken baspasóz máslıhatynda.

Ol sondaı-aq árbir jazǵy lagerge osy uıymdardaǵy qaýipsizdikti únemi úılestirip, baqylaıtyn naqty ınspektor taǵaıyndalatynyn aıtty.