M. Máıkeev bıylǵy áskerı sherýdiń basty ereksheligin atady

ASTANA. QazAqparat - Bıylǵy áskerı sherýdiń basty ereksheligi biz onda otandyq áskerı-óndiristik zaýyttarda qurastyrylyp, jańǵyrtylǵan tehnıkalar kórsetiledi. Qazaqstan Respýblıkasy Qarýly Kúshteri Qurlyq áskerleriniń bas qolbasshysy general-leıtenant Murat Máıkeev osylaı málim etti.

«Bul buǵan deıin bolmaǵan. 2011 jyly biz elimizge, qoǵamǵa shet elderden, atap aıtqanda Reseı men Túrkııadan, Izraılden alynǵan áskerı júıelerdi pash etken bolatynbyz. Al bıyl da bundaı júıeler bolady, degenmen basty erekshelik otandyq óndiriste. Qazaqstannyń zamanaýı qorǵanys ónerkásibi 350-den astam tank, 40-tan astam BMP, 110-nan astam BTR-dy bizge usynyp otyr. Olardyń qurastyrylymy tolyqtaı qazaqstandyq zaýytta júzege asty», - dedi Murat Máıkeev.

Onyń aıtýynsha, qazaqstandyq áskerı tehnıkanyń sapasy shetelden satyp alynatyn tehnıkanyń ozyq úlgilerinen esh kem túspeıdi. Budan bólek, áskerı sherý barysynda batystyq standarttar boıynsha jaraqtalǵan arnaıy operatsııa kúshteri de áskerı saltanatty sappen júrip ótetin bolady.

«Biz qazir kóptegen radıostansalarymyzdy sandyq júıege kóshirdik. «Eurocopter» tikushaqtaryn da shyǵaryp jatyrmyz. Artıllerııalyq júıelerdi kúrdeli jóndeýden ótkizdik», -dedi M. Máıkeev.