ІІM: Mańǵystaýda iri esirtki jetkizý arnasy joıyldy
ASTANA. KAZINFORM — Mańǵystaý oblysynda asa iri kólemdegi esirtkini jetkizý arnasy joıyldy. Bul týraly Polisia.kz jazdy.
— ІІM esirtki qylmysyna qarsy is-qımyl bólinisiniń qyzmetkerleri elimizdiń ońtústik óńirlerinen kelgen, kannabıs tobyna jatatyn asa iri mólsherdegi esirtkini jetkizýdiń turaqty arnasyn japty. Mamyr aıynyń sońynda Aqtaý qalasynda esirtkiniń zańsyz aınalymyna kúdikti er adam ustaldy. Jedel-izdestirý is-sharalary barysynda gashısh esirtkisi salynǵan tórt paket tárkilendi. Saraptama qorytyndysyna sáıkes tárkilengen esirtkiniń jalpy salmaǵy tórt kılogramnan astam. Osy fakt boıynsha Qazaqstan Respýblıkasy Qylmystyq kodeksiniń 296-babynyń 4-bóligimen sotqa deıingi tergeý júrgizilýde. Kúdikti ýaqytsha ustaý ızolıatoryna qamaldy. Vedomstvo esirtkiniń zańsyz aınalymynyń kez kelgen faktisine qoldanystaǵy zańnamaǵa sáıkes qatań shara qabyldanatynyn eskertedi, — dedi ІІM esirtki qylmysyna qarsy is-qımyl komıtetiniń basqarma bastyǵy Baqytjan Ámirhanov.
Aıta keteıik, Qyzylordada aýyldar mańynan esirtki alqaby tabyldy.
