ІІM: Mańǵystaý oblysynda apıyn jetkizý arnasy joıyldy
ASTANA. KAZINFORM — Mańǵystaýda apıyn tasymaldaǵan qylmystyq top ustaldy, dep habarlaıdy Іshki ister mınıstrliginiń baspasóz qyzmeti.
Іshki ister mınıstrligi «Zań men tártip» qaǵıdatyn iske asyrýdy jalǵastyryp jatyr. Atap aıtqanda, uzaq ýaqyt júrgizilgen jedel-izdestirý sharalarynyń nátıjesinde Mańǵystaý oblysynda apıyn tobyna jatatyn esirtki zattaryn jetkizýmen aınalysqan, jergilikti tórt turǵynnan quralǵan qylmystyq toptyń zańsyz qyzmeti toqtatyldy.
Fıgýranttardyń turǵylyqty mekenjaılary boıynsha júrgizilgen tintý is-sharalary barysynda 1,3 keli apıyn jáne iri kólemdegi aqsha tárkilendi. Sarapshylardyń baǵalaýynsha, aýǵan tekti apıyn osy óńir úshin sırek kezdesetin esirtki túri.
— Qazirgi ýaqytta atalǵan derek boıynsha Qylmystyq zańnamanyń 297-babynyń 3-bóligine sáıkes sotqa deıingi tergep-tekserý bastaldy. Atalǵan baptyń sanktsııasy 12 jylǵa deıin bas bostandyǵynan aıyrý jazasyn kózdeıdi. Barlyq ustalǵan kúdikti ýaqytsha ustaý ızolıatoryna qamaldy, — delingen habarlamada.
Esirtki jetkizý arnalarynyń jolyn kesý baǵytyndaǵy jumys jalǵasyp jatyr.
Budan buryn Almaty polıtsııasy 2025 jyly jarty tonnadan astam esirtki tárkilegenin jazǵanbyz.