M. Maqataevtyń týǵanyna 80 jyl tolýyna oraı jas aqyndardyń qalalyq músháırasy ótti
ASTANA. 8 aqpan. QazAqparat /Gúlmıra Álıakparova/ - Búgin Astanadaǵy S.Seıfýllın atyndaǵy Qazaq agrotehnıkalyq ýnıversıtetinde Muqaǵalı Maqataevtyń týǵanyna 80 jyl tolýyna oraı «Qyranbyz qyrandardan jaratylǵan» atty jas aqyndardyń qalalyq músháırasy ótti.
Ýnıversıtettiń qazaq tili kafedrasy uıymdastyrǵan baıqaýdyń maqsaty - qazaqtyń aqıyq aqynynyń rýhyna taǵzym etý, aqynnyń murasyn keleshek urpaqqa jetkizý, jastardy sóz ónerine, aqyndyqqa baýlý jáne poezııaǵa qushtarlyqtaryn arttyrý.
Baıqaýǵa S.Seıfýllın atyndaǵy QazATÝ-dan, atalmysh ýnıversıtet bazasynda ashylǵan jańa kolledjden, Astana medıtsına ýnıversıtetinen, L.N.Gýmılev atyndaǵy Eýrazııa ulttyq ýnıversıteti men Eýrazııa gýmanıtarlyq ınstıtýtynan qalamy qarymdy, oıy ushqyr barlyǵy 12 stýdent qatysty. Olar M.Maqataevqa shyǵarǵan arnaýlaryn oqyp, aqynnyń óz óleńderin mánerlep jatqa aıtty.
Astana qalasy Tilderdi damytý basqarmasynyń bastyǵy Orazgúl Asanǵazy tóraǵalyq etken qazylar múshesiniń sheshimimen bas júlde Eýrazııa gýmanıtarlyq ınstıtýtynyń stýdenti Nurgúl Tyrnahanǵa berildi.
