ІІM lazerlik qondyrǵylardy qoldaný aıasyn keńeıtip jatyr
ASTANA. KAZINFORM – Іshki ister mınıstrligi jol qozǵalysy qaýipsizdigin arttyrý maqsatynda zamanaýı tehnologııalardy engizýdi jalǵastyryp jatyr.
— Qurmetti azamattar! Іshki ister mınıstrligi jol qaýipsizdigin arttyrý maqsatynda zamanaýı tehnologııalardy engizý jumystaryn jalǵastyryp jatyr. Lazerlik júıeler tuman, boran, nóser, jaýyn sııaqty kóriný qashyqtyǵy tómendeıtin, qolaısyz aýa raıynda júrgizýshilerge joldy durys baǵdarlaýǵa kómektesedi.
Tájirıbe kórsetkendeı, mundaı júıeler jol júrisiniń qaýipsizdigin arttyryp, jol-kólik oqıǵalarynyń aldyn alýǵa oń áserin tıgizip jatyr. Búginde lazerlik qondyrǵylar respýblıkalyq mańyzy bar avtojoldardyń kólik aǵyny qarqyndy jáne apat qaýpi joǵary 22 ýchaskesinde jumys istep tur.
Іshki ister mınıstrligi jol uıymdarymen birlesip, azamattardyń qaýipsiz ári qolaıly qozǵalysyn qamtamasyz etý maqsatynda atalǵan tehnologııalardy avtojoldardyń ózge de ýchaskelerine kezeń-kezeńimen engizý jumystaryn jalǵastyrady. Joldaǵy qaýipsizdik — árbirimizdiń jaýapkershiligimiz. Jol júrisi qaǵıdalaryn qatań saqtańyzdar! — dedi ІІM ákimshilik polıtsııa komıteti tóraǵasynyń orynbasary Baǵlanbek Aıtpaev.
Aıta ketelik 136 myń jol belgisi tekserildi: Qazaqstanda 97% talapqa saı ekeni anyqtalǵan edi.
