M. Qul-Muhammed Mádenıet jáne aqparat mınıstrliginiń aǵymdaǵy jylǵy negizgi mindetteri jaıly aıtyp berdi
A. Qańtardyń 25-i. QazAqparat /Ernur Aqanbaı/ - Búgin Mádenıet jáne aqparat mınıstrliginiń keńeıtilgen alqa májilisinde mınıstr Muhtar Qul-Muhammed vedomstvonyń 2010 jyly aldynda turǵan negizgi mindetteri jaıly aıtyp berdi,
dep habarlaıdy QazAqparat.
Onyń sózine qaraǵanda, mınıstrlik bıyl «Mádenı mura» ulttyq strategııalyq jobasynyń 2009-2011 jyldarǵa arnalǵan is-sharalar josparyn júzege asyrýdy jalǵastyratyn bolady. Budan bólek, Qazaqstannyń EQYU-ǵa tóraǵalyǵyn aqparattyq turǵydan qamtamasyz etýge aıryqsha mańyz beredi. Bul rette QR Syrtqy ister mınıstrligimen qoıan-qoltyq jumys júrgizilmek. Sondaı-aq, Konstıtýtsııanyń 15 jyldyǵy, Uly Jeńistiń 65 jyldyǵyna arnalǵan mańyzdy is-sharalar ótkiziletin bolady. Elimizdegi BAQ-tardyń básekelik qabilettiligin arttyrýǵa basa nazar aýdarylady.
«Tilderdi qoldaný men damytýdyń 2011-2020 jyldarǵa arnalǵan memlekettik baǵdarlamasyn jyl aıaǵyna deıin qabyldaý kózdelýde. Qazaqstan halqy Assambleıasy, úkimettik emes sektor jáne shyǵarmashylyq odaqtarmennen is-qımyl mehanızmderin úılestirý barysynda memlekettik áleýmettik tapsyrys máselesi boıynsha keıbir zańnamalyq aktilerge ózgertýler men tolyqtyrýlar engizý týraly zańnyń jobasyn ázirlep, der kezinde Parlamentke usyný bıyl qolǵa alynady», dedi mınıstr.
2010 jyl BUU-nyń sheshimimen Mádenıetterdiń jaqyndasýynyń halyqaralyq jyly dep jarııalanǵanyn aıtqan ol: «Sondyqtan, qazaq mádenıetin álemge tanytýda, ulttyq mádenıettiń úzdik jetistikterin tanytýda kóptegen josparlar bar. Olardyń bárin ýaqytynda oryndap shyǵamyz», dedi.
