M.Qul-Muhammed Londonnan keıingi Olımpıadalarǵa daıyndyqqa osy bastan kirisýdi tapsyrdy
ASTANA. 20 maýsym. QazAqparat - London Olımpıadasyna qatysa otyryp, kelesi oıyndardy da oılaýymyz kerek.
Bul týraly búgin Aqordada sporttyq joǵary jetistikter men dene shynyqtyrýdyń odan ári damýyna arnalǵan respýblıkalyq keńes barysynda QR Memlekettik hatshysy Muhtar Qul-Muhammed málim etti.
«Olımpıada oıyndary Londondaǵy jaryspen aıaqtalmaıdy. Odan keıin de aldaǵy tórt jyl tsıkl bar. Árıne, árbir Olımpıadaǵa barǵan saıyn úlken jetistikterge qol jetkizýge kez kelgen komanda aldyna maqsat etip qoıady. Biraq, biz osy Olımpıadaǵa qatysa otyryp, kelesi oıyndardy da oılaýymyz kerek. Ol úshin olımpıadalyq rezerv jasaýymyz qajet. Onyń quramynda Qazaqstan úshin janyn beretin, kók týdyń jelbiregenine júreginde shyn máninde otansúıgishtik rýh ornaıtyn azamattar bolý kerek», - dep atap ótti Memlekettik hatshy.
Óz kezeginde QR Sport jáne dene shynyqtyrý isteri agenttiginiń tóraǵasy Talǵat Ermegııaev bul baǵytta tıisti jumystar atqarylyp jatqandyǵyn aıta kele: «Sońǵy kezdegi jastardyń chempıonattaryn qaraıtyn bolsaq, ózimizdiń azamattar chempıon bolyp jatyr. Endi aldaǵy Olımpıdada atalǵan jigerli jastar rezerv sapyn tolyqtyra túsedi», - dedi.
