M. Qul-Muhammed BAQ ókilderin teatrdaǵy shyǵarmashylyq básekelestikke túsinistikpen qaraýdy surady

ASTANA. 11 qarasha. QazAqparat - QR Prezıdenti janyndaǵy Ortalyq kommýnıkatsııalar qyzmetinde ótken búgingi brıfıngte QR Mádenıet jáne aqparat mınıstri Muhtar Qul-Muhammed BAQ ókilderin teatrdaǵy shyǵarmashylyq básekelestikke túsinistikpen qaraýdy surady.

Mınıstrdiń habarlaýynsha, osy ýaqytqa deıin Qazaqstanda 17 jańa teatr ashyldy. Solardyń ishinde Batys Qazaqstan, Qostanaı, Qaraǵandy jáne Mańǵystaý oblystyq qazaq teatrlary sý jańa ǵımarattarǵa kóshti. Al, elordada álemdik deńgeıi bar Astana opera teatry ashyldy.

«Endi biz atalǵan teatrlardy jańa repertýarlarmen toltyrýymyz qajet. Negizi búginde teatr repertýarlary jańaryp, oǵan jańa býyn ókilderi kelýde. Sondyqtan kez-kelgen teatrda shyǵarmashylyq pikirtalas bolady. Aǵa býyn men keıingi býyn shyǵarmashylyq básekelestikte bolady. Sonda ǵana teatr damıdy», - dep atap kórsetti M. Qul-Muhammed.

Osy oraıda, mınıstr BAQ ókilderin teatrdaǵy shyǵarmashylyq básekelestikke retimen qaraýdy surady.