M. Kýkýshkın Prezıdent kýbogynyń aqtyq synynda utyldy
ASTANA. 29 shilde. QazAqparat - Qazaqstandyq Mıhaıl Kýkýshkın Astanada ótken tennısten Prezıdent Kýbogynyń aqtyq synyndaǵy kezdesýde utylyp qaldy,
dep habarlaıdy Vesti.kz.
Sheshýshi matchta Kýkýshkın týrnırdiń birinshi raketkasy Dýdı Seladan jeńildi. Aıta keter jaıt, jańbyrdyń kesirinen kezdesýdiń basynda azdaǵan úzilis boldy.
Taım-aýt alań ıesiniń paıdasyna sheshildi: bastapqy sette qazaqstandyq sportshy 7:5 esebimen jeńdi, al oıynnyń ekinshi setinde 2:6 esebimen ese jiberip aldy. Al úshinshi settiń basynda Kýkýshkınniń arqasy aýyryp, dárigerdiń kómegine júginýge májbúr boldy. Medıtsınalyq úzilisten keıin alań ıesi basymdyq tanytqanymen, kezdesýdiń sońyna qaraı tizgindi qoldan shyǵaryp aldy - 6:7 (6:8)
Eske sala ketsek, týrnırde jeńiske jetken sportshyǵa 18 myń dollar beriledi - erler arasyndaǵy týrnırdiń júlde qorynda 125 myń dollar bar. Al áıelder arasynda júlde qory - 100 myń (jeńimpazǵa shamamen 15 myń).
