M.Kýkýshkın Kásibı tennısshiler qaýymdastyǵy reıtınginde 55-orynda
ASTANA. QazAqparat - Qazaqstandyq tennısshi Mıhaıl Kýkýshkın ótken aptada Kásibı tennısshiler qaýymdastyǵynyń jańartylǵan reıtınginde 55-oryndy ıelendi.
4 mamyrdaǵy nátıje boıynsha, Kýkýshkın bul reıtıngte 55-oryndy ıelenip, Qazaqstannyń úzdik ókili bolyp qala berdi. Andreı Golýbev ekinshi júzdikte eki satyǵa tómendep, 119-shy orynǵa turaqtady. Andreı Nedovesov bir satyǵa kóterilip, 120-oryndy ıelendi. Jeke razrıad reıtınginde serbııalyq Novak Djokovıch top bastap tursa, ekinshi orynǵa shveıtsarııalyq Roje Federer, úshinshi orynǵa brıtandyq Endı Mıýrreı ornalasty.
Juptyq razrıad reıtınginde qazaqstandyqtardyń ishinde 69-dan 68-shi satyǵa kóterilgen Golýbev úzdik atandy. Ekinshi júzdikte Nedovesov 12-saty tómendep, 151-shi orynǵa jaıǵasty. Kýkýshkın úsh satyǵa tómendep, 195-shi oryndy ıelendi. Juptyq razrıad reıtıngin burynǵysha amerıkalyqtar - Bob pen Maık Braıandar basqaryp tur. Úshinshi orynda brazılııalyq Marseo Melo, dep habarlady Sports.kz .
