M.Qozybaev atyndaǵy SQMÝ Qazaqstandaǵy tirek ýnıversıtetterdiń bestigine kirmek

PETROPAVL. QazAqparat – Petropavlda M.Qozybaev atyndaǵy SQMÝ janynan 12 qabatty oqý-zerthana korpýsy salynady, dep habarlaıdy QazAqparat tilshisi.

Bul jaıynda Instagram paraqshasynda SQO ákimi Qumar Aqsaqalov málimdedi. Óńir basshysy QR Premer-Mınıstri orynbasary Berdibek Saparbaevtyń oblysqa jumys saparynyń qorytyndysyn shyǵardy.

Petropavlda ýnıversıtettiń 12 qabattan turatyn oqý-zerthanalyq korpýsy salynbaq. Ol jerde zamanaýı 89 zerthana ashylady. Al SQMÝ respýblıkadaǵy tirek ýnıversıtetterdiń qataryna kirmek.

«Qazir olardyń sany tórteý. Bizdiń SQMÝ besinshi bolmaq. Budan ýnıversıtet tek utady. ıAǵnı, joǵary oqý ornyn qarjylandyrý kóbeıip, oqytýshylardyń eńbekaqysy artady, materıaldyq tehnıkalyq bazany jaqsartýǵa múmkindik berilmek. Berdibek Saparbaev bul usynysty qoldady», - dep jazdy Qumar Aqsaqalov.

Óńir basshysy aımaqtardaǵy kadr jetispeýshiligi máselesin sheshý úshin vıtse-premerge usynys jasalǵanyn da jazdy. Onyń pikirinshe, ár oblysty naryqqa qajetti belgili mamandardy daıarlaý úshin jaýapty etip, bólip berý qajet.

Budan basqa bolashaǵy joq aýyldardan kóship jatqan turǵyndardy baspanamen qamtý, aýmaqqa gaz tartý, avıareısterdiń sanyn arttyrý máseleleri de talqyǵa tústi. Premer-Mınıstrdiń orynbasary Berdibek Saparbaev soltústikqazaqstandyqtardyń usynystaryn qabyl aldy.