Kontsertke emes, alaıaqqa tólep júrmeńiz: ІІM kúmándi usynystardan saqtandyrdy
ASTANA. KAZINFORM — Іshki ister mınıstrligi azamattarǵa kontsertter men buqaralyq is-sharalarǵa bıletterdi satyp alý kezinde muqııat bolýǵa shaqyrdy, dep habarlaıdy Polisia.kz.
Іshki ister mınıstrligi kontsert bıletterin satý kezinde kezdesýi múmkin alaıaqtyq týraly eskertedi. Internet jelisinde kontsertter men buqaralyq is-sharalarǵa bıletterdi satyp alý nemese alyp-satý boıynsha jalǵan habarlandyrýlar, sondaı-aq deldaldardan usynystar kezdesip jatady.
Alaıaqtar bıletterdi satyp alýda kómek usynady nemese olardy qymbat baǵaǵa satady. Odan bólek, jalǵan bıletter taratýy da múmkin. Olarǵa sengen adamdar aqsha aýdaryp, sońynda bıletsiz qalýy yqtımal.
— Іshki ister mınıstrligi azamattardy saq bolýǵa shaqyrady jáne kez kelgen is-sharaǵa bıletterdi tek resmı ári tekserilgen jerlerden satyp alýdy usynady. Beıtanys adamdarǵa aqsha aýdarmaǵan abzal, — dedi ІІM baspasóz hatshysy Shuǵyla Turlybek.
Osydan buryn ІІM jasandy ıntellekt tehnologııalaryn qoldaný arqyly jasalatyn ınternet-alaıaqtyqtyń jańa túrleriniń taralýy týraly eskertti.
