ІІM kólik terezelerin qarańǵylaý boıynsha talaptardy túsindirdi

ASTANA. KAZINFORM – ІІM áınekterdi qarańǵylaý boıynsha talaptardy túsindirdi, – dep habarlaıdy Polisia.kz.

– Jolda júrý qaǵıdalaryna sáıkes kólik quraldary Tehnıkalyq reglamentterdiń talaptaryna saı bolýy kerek. «Dońǵalaqty kólik quraldarynyń qaýipsizdigi týraly» Keden odaǵynyń tehnıkalyq reglamentinde aldyńǵy kórý aýmaǵyna qoıylatyn talaptar belgilengen. Men barlyq júrgizýshilerge qatysy bar negizgi jáıtterdi ǵana aıtaıyn.

Birinshi. Júrgizýshi ornynan kórýdi shekteıtin qosymsha quraldardyń bolýyna jol berilmeıdi. Olarǵa barlyq plenkalar, perdeler, japsyrmalar jatady. Bul talap tek aldyńǵy áınekke jáne aldyńǵy búıir áınekterge qatysty.

Ekinshi. Áınekterdi qarańǵylaýǵa jáne boıaýǵa tek olardy daıyndaǵan kezde ǵana ruqsat etiledi. Sebebi shyny jasaıtyn kásiporyn onyń jaryq ótkizgishtigin tekseredi, ol kem degende 70% bolýy kerek jáne olar áınekke sertıfıkat beredi. Osylaısha aldyńǵy jáne aldyńǵy búıir áınekterdi qarańǵylaý tek óndiriste daıyndalady. Avtokólik jınalǵannan keıin plenkalar jabystyrýǵa bolmaıdy. Bul qaǵıdalar jol qaýipsizdigin jáne júrgizýshiler úshin kórý aýmaǵyn jaqsartýdy qamtamasyz etýge baǵyttalǵan, – dedi ІІM ákimshilik polıtsııa komıtetiniń erekshe tapsyrmalar jónindegi aǵa ınspektory Aqtoty Boranova.