ІІM qyz alyp qashý qylmystarynyń statıstıkasyn jeke júrgizedi

Іshki ister mınıstrligi qalyńdyq alyp qashý boıynsha tirkelgen qylmystyq isterdiń statıstıkasyn jeke júrgizedi. Úkimet otyrysynan keıin ótken baspasóz konferentsııasynda mınıstrdiń orynbasary Igor Lepeha osyndaı málimet aıtty, dep habarlaıdy Kazinform. 

«Búgingi tańda bizde «bas bostandyǵynan zańsyz aıyrý» degen bap bar. Biz qyz alyp qashý degen kóbine eki jaqtyń kelisimi boıynsha jasalatyn joralǵy ekenin bilemiz. Biraq osyndaı áreket úshni ashylǵan qylmystyq ister men sottalǵan adamdar bar. Qyz alyp qashý áreketi úshin qylmystyq jaýapkershilik júkteý týraly usynys bar ekenin bilemin. Májiliste ol bastama talqylanyp jatsa, qýana atsalysamyz. Óıtkeni óte ózekti másele. Halyqaralyq uıymdardyń baıandamalarynyń bárinde osyny betimizge basyp jatady. Olar mundaı dástúrdi qabyldaı almaıdy jáne túsinbeıdi. Mentalıtetti eskerip, bul másele túzetýge bolady dep oılaımyn. Óıtkeni saltty alǵa tartyp, azamattardyń konstıtýtsııalyq quqyǵyn buzatyndar bar», - dedi Igro Lepeha.

Sondaı-aq ol qyz alyp qashý áreketi boıynsha tirkelgen qylmystyq isterdiń jeke statıstıkasy júrgiziletinin atap ótti.

«Bas bostandyǵynan zańsyz aıyrý baby bar dedik qoı. Kez kelgen qylmystyq statıstıkaǵa engiziledi. Onyń árqaısysy boıynsha statıstıka júrgiziledi. Bizde Quqyqtyq statıstıka komıteti bar. Bap paıda bolsa, birden statıstıkaǵa engiziledi», - dedi mınıstrdiń orynbasary.