ІІM Qazaqstandaǵy túrme rejımi eń jıi buzylatyn mekemelerdi atady
ASTANA. KAZINFORM – Іshki ister mınıstrligi Kazinform saýalyna joldaǵan jaýapta eldegi túrme rejımi eń jıi buzylatyn mekemelerdi atap kórsetti.
- 2024 jyly túzetý mekemeleriniń rejımin buzýdyń 1 090 faktisi tirkeldi. Sondaı-aq túrme rejımin buzýdyń eń kóp faktisi Aqmola oblysyndaǵy №5 mekeme, Qostanaı oblysyndaǵy №38 mekeme, Almaty oblysynyń №12 mekemesinde tirkeldi, - dep jazady mınıstrliktegiler.
Vedomstvo málimetine sáıkes, keıingi 5 jylda túzetý mekemelerinde rejım tártibin buzý jaǵdaılaryna toqtalsaq:
- 2022 jyly – 6 672
- 2023 jyly – 8 748
- 2024 jyly – 1 090
- 2025 jyly (1 qańtardan beri) – 769 fakti tirkelgen.
Sondaı-aq, vedomstvo mamandary túrme rejımin buzýdyń eń jıi tirkeletin túrleri qandaı ekenin de aıtty.
- Qylmystyq atqarý júıesiniń barlyq mekemelerinde úzdiksiz beınebaqylaý engizilgen. Atap aıtý kerek, sottalǵandar tarapynan negizinen kún tártibi men ustaý rejımin buzý tirkeledi, - dep jazylǵan jaýapta.
Buǵan deıin Qazaqstan túrmelerindegi 1 myńnan astam áıel raqymshylyqqa ilinýi múmkin ekenin jazǵan edik.