ІІM «Qaýipsiz úı» is-sharasy kezinde 42 adam daǵdarys ortalyqtaryna ornalastyryldy
ASTANA. KAZINFORM - ІІM «Qaýipsiz úı» jedel-profılaktıkalyq is-sharasyn qorytyndylady, – dep habarlaıdy Polisia.kz.
Negizgi mindet – quqyq buzýshylyqtardy anyqtap qana qoıý emes, eń aldymen adamdardy qorǵaý, zorlyq-zombylyqtyń aldyn alý jáne qıyn jaǵdaıǵa tap bolǵan azamattarǵa kómek kórsetý.
Bul jumysta polıtsııa, jergilikti atqarýshy organdar, densaýlyq saqtaý, bilim berý, áleýmettik qorǵaý salalary, daǵdarys ortalyqtary, psıhologtar men qoǵamdyq uıymdar birlesip jumys atqardy.
Jumys barysynda 300-ge jýyq qıyn ómirlik jaǵdaıdaǵy otbasy anyqtaldy.
Jalpy 1 379 azamat memlekettik qoldaýǵa ıe boldy. Olarǵa quqyqtyq, psıhologııalyq, medıtsınalyq jáne áleýmettik kómek kórsetildi. 42 adam daǵdarys ortalyqtaryna, taǵy 37 adam otbasyn qoldaý ortalyqtaryna ýaqytsha ornalastyryldy.
-Alaıda bul sandardyń artynda – naqty adam, naqty otbasy jáne naqty taǵdyr tur. Sondyqtan bizdiń maqsatymyz – máseleni tirkep, kináli adamdy jazalaý ǵana emes. Eń mańyzdysy – qaýipti der kezinde anyqtap, jábirlenýshini qorǵaý, qajetti kómek kórsetý jáne zorlyq-zombylyqtyń qaıtalanýyna jol bermeý. Bul baǵyttaǵy jumys kún saıyn jalǵasady,-delingen habarlamada.
Aıta keteıik, Qazaqstanda áıelderge kómek kórsetetin 61 daǵdarys ortalyǵy jumys isteıdi.
