ІІM kadr salasynyń ofıtseri esirtki jasyrýshyny ustady

Kóktemgi mereke kúnderi Astana qalasynyń kóshelerinde qoǵamdyq tártipti qamtamasyz etýge shyqqan ofıtser esirtki jasyrýshyny ustady. Bul týraly Polisia.kz málimdedi.

 —  Іshki ister organdarynyń barlyq bólinisi kúsheıtilgen kezeńge aýystyrylǵan. Sol kezeńde mınıstrliktiń ortalyq apparatynan Astana qalasynyń kóshelerine qoǵamdyq qaýipsizdikti saqtaýǵa, profılaktıkalyq jumystar júrgizýge qyzmetkerler jumyldyryldy.

Olardyń arasynda ózim de boldym. Ár qyzmetkerge bekitilgen aımaq boldy. Onda keshki saǵat 18:00–den túngi 01:00–ge deıin qyzmetimizdi atqardyq. Qyzmet atqarý barysynda túngi saǵat 00:00–ler shamasynda qarama-qarsy kele jatqan eki jas azamatty baıqadym. Olar meni kóre sala, tez arada kópqabatty úılerdiń aýlasyna kirip ketti, — dedi ІІM kadr saıasaty departamentiniń erekshe tapsyrmalar jónindegi aǵa ınspektory Esjan Arystanov. 

Aǵa ınspektordyń olardyń sońynan ergen. Tártip saqshysyn kórip izin sýytpaq bolǵan jigitterdiń birinen gashısh esirtkisi tabylǵan. Onymen qosa, olardyń aýla turǵyny emes, basqa oblystan kelgeni anyqtaldy. Oqıǵa ornyna jedel-tergeý toby shaqyrtylyp, zań júzinde shara qabyldandy. Búginde tergeý amaldary jalǵasyp jatyr.

— Іshki ister organdary salasynyń árbir bólinisi kúsheıtilgen kezeńge aýysqan kezde barlyǵy da qoǵamdyq qaýipsizdikti saqtaýǵa shyǵyp, óz úlesterin qosady, — deıdi polıtsııa maıory.

Esjan Arystanov búginde kadr salasynda qyzmet atqarady. Jalpy pogondy eńbek jolyn 2004 jyly bastaǵan ol Іshki ister mınıstrliginiń ortalyq apparatyna 2022 jyly kelgen.

Onyń pikirinshe, qaı baǵytta eńbek etse de, tártip saqshysynyń maqsaty men mindeti bir — qoǵam qaýipsizdigin birinshi orynǵa qoıý.