M.Kaddafıdiń avıatsııasy munaı qoımasyna bomba tastady - RBK
ASTANA. 10 naýryz. QazAqparat - Mýammar Kaddafı armııasynyń avıatsııasy el astanasy - Trıpolıden 580 shaqyrym qashyqtyqta ornalasqan Es-Sıder qalasyndaǵy munaı qoımasyn bombylady.
Sondaı-aq, Lıvııa ókimeti artıllerııasynyń munaı qoımasyna tartylǵan qubyrǵa da zeńbirek jaýdyrǵany týraly da aqparat bar, dep habarlaıdy RBK agenttigi.
Es-Sıderge jasalǵan shabýyldyń saldarynan adam qurbandarynyń bolǵan-bolmaǵany jóninde ázirge aqparat joq.
Al Arabia telearnasynyń habarlaýynsha, Lıvııanyń batysyndaǵy Ez-Zavııa qalasyna da áýe shabýyly jasalǵan. Al VVS telekompanııasynyń aqparaty boıynsha, úkimet kúshteri qazir osy eldi mekenniń basym bóligin baqylaýǵa alyp otyr. Jergilikti turǵyndardyń aqparattary boıynsha, qalaǵa tankter kirgen. Kóterilisshiler buǵan deıin úkimet kúshterin qaladan yǵystyra alǵan edi. Ez-Zavııada bolǵan shaıqastarda 30-daı adam qaza tapqan.
Aqpan aıynyń ortasynan beri Lıvııada narazylyq sherýleri jalǵasyp keledi, sherýshiler Lıvııany 40 jyldan beri basqaryp kele jatqan Mýammar Kaddafıdiń otstavkasyn talap etýde. Lıvııa oppozıtsııasy eldiń shyǵysyndaǵy birqatar qalalardy óz baqylaýyna alyp otyr. Halyqaralyq uıymdardyń derekteri boıynsha, toqtamaı otyrǵan qarýly qaqtyǵystar kezinde osyǵan deıin 6 myńǵa jýyq adam qaza tapqan.
