M.Kaddafı B.Obamaǵa NATO-nyń áskerı operatsııasyn toqtatý týraly ótinish bildirdi
ASTANA. 7 sáýir. QazAqparat - Lıvııa basshysy Mýammar Kaddafı AQSh Prezıdenti Barak Obamaǵa hat joldady.
Aq úıdegi derekkózderdiń aıtýynsha, Lıvııa polkovnıgi óziniń hatynda amerıkandyq prezıdentten el aýmaǵyndaǵy NATO-nyń áskerı operatsııasyn toqtatýdy suraǵan.
Associated Press qol jetkizgen mátinge sáıkes, M.Kaddafı sonymen qatar aýadaǵy áskerı shabýyldardyń toqtatylýyn suraǵan. M.Kaddafı qazirgi áskerı shabýyldy «damýshy elge baǵyttalǵan ádiletsiz soǵys» dep baǵalady.
Lıvııa basshysy óz hatynda eldiń halqy NATO áskerı operatsııasynan denege túsetin aýyrlyq turǵysynan emes, kóbine moraldyq turǵydan zardap shekkenin, al demokratııalyq qoǵamdy qarý men áýe shabýyldary arqyly qurý múmkin emestigin jetkizdi.
