ІІM ızolıatorda advokattardy shalbaryn sheshkizip tekserý týraly túsinikteme berdi

ASTANA. KAZINFORM — Іshki ister mınıstriniń orynbasary — Qylmystyq atqarý júıesi komıtetiniń tóraǵasy Abaı Qaıyrbekov Qostanaı oblysynda advokattardy tergeý ızolıatoryna ótkizer kezde shalbaryn sheshkizip tekseredi degen málimdemege túsinikteme berdi.

— Bul jerde mekeme qyzmetkerleriniń áreketinde zańǵa qaıshylyq joq. Tergeý ızolıatoryna kelgen tulǵalardyń bári ortaq tártippen tekserýden ótedi. «Tolyq tekserý» deıtin uǵym bar. Qajet bolǵan jaǵdaıda osy ádis qoldanylady. Naqty bul advokat tekserýden ótken jaǵdaıda metall detektory belgi bergen. Sondyqtan oǵan tolyq tekserýden ótý usynyldy, — dedi komıtet basshysy.

Bul jerde áńgime advokat Talǵat Esimov týraly bolyp otyr. Ol Qostanaı oblysynda advokattardy tergeý ızolıatoryna kirer kezde shalbaryn sheship ótýge májbúrleıtinin málim etken bolatyn.

Sondaı-aq, Abaı Qaıyrbekov Ulttyq qaýipsizdik komıtetiniń burynǵy tóraǵasy Kárim Másimovtiń jazasyn qandaı kamerada ótep jatqanyn aıtty.