M.Iǵalıev Antalıada qazaqstandyq týrısterdiń qıyndyqqa tap bolýyna oraı UNWTO bas hatshysyna hat joldady
ASTANA. QazAqparat - QR IJTM Týrızm ındýstrııasy komıtetiniń tóraǵasy Marat Iǵalıev Antalıada qazaqstandyq týrısterdiń qıyndyqqa tap bolýyna oraı Dúnıejúzilik týrıstik uıymynyń (UNWTO) bas hatshysy Taleb Rıfaıǵa hat joldady, dep habarlady vedomstvonyń baspasóz qyzmetinen.
«2014 jyldyń shilde aıynyń sońynda qazaqstandyq «Almaz tourizm» týroperatorynyń týrısteri eki sharýashylyq sýbektisi daýynyń tutqynyna aınaldy. Ókinishke oraı, bizge «Almaz tourizm» kompanııasynyń kontragenti «Trek Travel International LTD» kompanııasyna shaǵymdar túsýde. Atalǵan kompanııa óziniń qonaq úılerinde turyp jatqan qazaqstandyq týrısterden ekinshi márte tólem talap etýde. Mundaı jaıt álemdik týrıstik qoǵamdastyqta buǵan deıin de kásibılik ári órkenıettilik emes dep tanylǵan edi. Sizden órkendep kele jatqan álemdik týrıstik naryqtyń qalyptasýyna nuqsan keltiretin mundaı jaıtqa jol bermeý kerektigine nazar aýdarýyńyzdy suraımyz», - delingen hatta.
M.Iǵalıev óz hatynda týrızm ındýstrııasy komıteti atalǵan problemany tez arada sheshý úshin barlyq qajetti sharalardy qabydlaıtyndyǵyn basa aıtqan.
Buǵan deıin habarlanǵandaı, komıtetke «Almaz tourizm» týrıstik operatory shaǵymdanyp, óziniń túrkııalyq seriktesi «Trek Travel International» kompanııasymen arada daý týyndap otyrǵandyǵyn málimdegen. Osy daý saldarynan «Almaz tourizm» týrıstik operatorynyń 18 klıentin Antalııadaǵy qonaq úıden shyǵara bastaǵan. Degenmen qazirgi ýaqytta olardyń barlyǵy da qonaq úıde turyp jatyr.
