M.Hodorkovskıı Berlınde baspasóz máslıhatyn ótkizdi
ASTANA. 22 jeltoqsan. QazAqparat - ıÝKOS-tyń burynǵy basshysy Mıhaıl Hodorkovskıı kolonııadan bosatylǵannan keıin 36 saǵat ótken soń, Berlınde úlken baspasóz máslıhatyn ótkizdi, dep habarlady ITAR-TASS.
Berlın qabyrǵasy murajaıynda ótken onyń baspasóz máslıhatyna ondaǵan elden 83 buqaralyq baspasóz quraldarynyń ókilderi qatysty, olardyń arasynda Reseı, Germanııa, Ýkraına, Frantsııa, Avstrııa, Ulybrıtanııa, AQSh jáne basqa de elderden jýrnalıster boldy.
Hodorkovskıı ózine qoldaý kórsetken adamdardyń, ásirese jýrnalısterdiń bárine alǵysyn bildirdi. Ol tilshilerdiń birqatar ótkir suraqtaryna jaýap qaıtara otyryp, aldaǵy ýaqytta saıasatqa aralaspaıtynyn, ıÝKOS aktsııasyna qatysty daý-sharǵa da qatyspaıtynyn, sondaı-aq bıznespen de aınalyspaıtynyn atap ótti. Ol sondaı-aq Reseıdegi saıası sottalǵandardyń quqyqtaryn qorǵaý úshin kúresetinin atap ótti. Ol Reseıge eger ózine qajet bolǵan kezde shetelge shyǵatyn múmkindik beretin bolsa ǵana oralatynyn atap kórsetti. Reseı prezıdenti Vladımır Pýtınge óziniń qatynasy týraly aıta kelip, ony pragmatıkalyq turǵydan qaraıtynyn atap ótti. "Men otbasyma eshqandaı qysym jasalmaǵanyn atap aıtqym keledi. olarǵa kózqaras túzý boldy, sondyqtan da men maǵan qatysty keıbir qaıshylyqtardy óte sezimtal qabyldaǵan joqpyn", - dedi ol.
Mıhaıl Hodorkovskııdiń baspasóz máslıhaty RBK-TV telearnasynan onlaın-rejıminde kórsetildi.
"Meniń qarjylyq jaǵdaıym aqsha tabý úshin úshin júgirýdi qajet etpeıdi, sondyqtan da men jaǵdaıy tómen adamdarǵa kómektesýim qajet", deı kelip, oppozıtsııany qoldaý úshin qarjy shyǵyndamaıtynyn aıtty.
