M.Gorkıı atyndaǵy teatrdyń jańa maýsymy Shekspırdiń «Romeo men Djýlettasymen» ashylmaq
ASTANA. 16 qazan. QazAqparat - Astanada 18 qazanda M.Gorkıı atyndaǵy memlekettik akademııalyq orys drama teatrynyń jańa 113-shi maýsymy Ý.Shekspırdiń «Romeo men Djýletta» shyǵarmasynyń tusaý keserimen ashylady. Bul týraly astana.kz saıtyna teatrdyń baspasóz qyzmetinen habarlady.
Romeonyń rólin Sergeı Mashtakov pen Danıl Homko, al Djýlettany Ýlıana Aprelskaıa men Ekaterına Maksım somdaıdy. Spektakldiń mýzykasyn belgili kompozıtor Aleksandr ıÝrtaev jazdy. Al týyndyny sahnalaǵan TMD teatr álemindegi belgili rejısser, Bishkek qalasyndaǵy Shyńǵys Aıtmatov atyndaǵy memlekettik ulttyq orys drama teatrynyń kórkemdik jetekshisi Nurlan Asanbekov pen sýretshi, Qyrǵyzstannyń eńbek sińirgen óner qaıratkeri ıÝldash Nurmatov.
Teatrdyń baspasóz qyzmetiniń habarlaýynsha, spektakl óziniń ereksheligimen kórermenderdi tánti etpek. Sahnalyq urys-shaıqastardy qoıýǵa úzdik mamandardyń biri, teatr jáne kıno akteri, «Kóshpendiler», «Monǵol», «Dnevnoı dozor», «Reketır» syndy kartınalardy qoıýǵa qatysqan belgili kaskader Nurbek Bolotov shaqyryldy. Shekspırdiń «Romeo men Djýletta» tragedııasy barsha álemge tanymal shyǵarmalardyń biri.
Eske sala keteıik, elordalyqtar spektakldi 18 qazanda saǵat 18.30, 19 jáne 20 qazanda saǵat 18.00 M.Gorkıı atyndaǵy memlekettik akademııalyq orys drama teatrynda tamashalaı alady.
