M.Gorkıı atyndaǵy orys drama teatry kishkentaı astanalyqtar úshin jańajyldyq erteńgilikter ótkizedi
ASTANA. 23 jeltoqsan. QazAqparat - Elorda turǵyndary Jańa jyldy qarsy alýǵa qyzý daıyndyq ústinde. Bul - úlkender de, kishiler de jaqsy kóretin mereke. 20 jeltoqsannan 5 qańtarǵa deıin M.Gorkıı atyndaǵy memlekettik akademııalyq orys drama teatrynda jańajyldyq erteńgilikter ótkiziledi. Bul týraly astana.kz saıtyna M. Gorkıı atyndaǵy orys drama teatrynan habarlady.
Mereke baǵdarlamasyna «Po şýchemý velenııý, po detskomý hotenııý...» atty jańajyldyq erteńgilik engizilgen. Onyń basty keıipkerleri Aıaz ata men Aqshaqar, jańajyldyq nyshan - sıqyrly Tulpar, jáne basqa da ertegi keıipkerleri. Shara barysynda balalar oınap, Aıaz atanyń konkýrstaryna qatysyp, syılyqtar alady.
Budan basqa, erteńgilik aıasynda Oksana Rozýmnyń Jańa jyldyń ǵajaıyptary men dostyq týraly «Kak Kotenok Novyı god spasal» ertegisi kórsetiledi.
Jańa jyldyq baǵdarlama 2 saǵatqa jalǵasady. Erteńgilikter saǵat 10.00, 12.30, 15.00 jáne 17.30-da bastalady. Bılettiń quny - 1000 teńge.
