M.Gorkıı atyndaǵy elorda teatry 112-shi maýsymyn aıaqtady
ASTANA. 10 shilde. QazAqparat - Astanadaǵy M.Gorkıı atyndaǵy akademııalyq orys drama teatry óziniń 112-shi teatr maýsymyn «Jabaıy. Úshinshi sóz» spektaklimen japty, dep habarlady Astana qalasynyń resmı saıty.
Maýsym ótken jyldyń 19 qyrkúıeginde elordalyq kórermenderdiń kózaıymyna aınalǵan ıtalıandyq Karlo Goldonıdiń «Kodjın dúrbeleńi» spektaklimen ashylǵan edi. Al Astana kúni qarsańynda ıspandyq melodramashy Alehandro Kasonanyń «Jabaıy. Úshinshi sóz» premerasymen aıaqtaldy. Ispandyq dramatýrg Alehandro Rodrıges Kasona sahna úshin 20-dan astam komedııa men birneshe spektakl jazyp, qoıǵan. Taýdaǵy shaǵyn aýylda taza dúnıe tanymda ósken Pablonyń qatal, jalǵandyqqa toly, eki júzdi aıqaı-shýy kóp qaladaǵy tirligi salystyrylady. Degenmen, ekinshi álem oǵan buryn kezdestirmegen, tańǵalarlyq sezim syılaıdy. Adam qaıda ómir súrmesin erte me, kesh pe qarapaıym ǵana aqıqatty moıyndaıdy. Ol - ómir, ólim, mahabbat týraly oılaıtyn adamnyń oı túısigi bolyp tabylady.
Spektakldiń qoıýshy-rejısseri - QR Eńbek sińirgen ártisi Bekpýlat Parmanov. Qoıýshy sýretshisi - QR «Mádenıet qaıratkeri» Qanat Maqsutov.
